“KTMT 2021-ci ildə öz müşahidə missiyasını Ermənistana göndərməyi razılaşdırmışdı. Lakin Ermənistanın Baş naziri Nikol Paşinyan bir gün sonra konsensusun olmadığını bildirdi”.

Bu barədə Rusiyanın xarici işlər naziri Sergey Lavrov “İzvestiya”ya müsahibəsində danışıb. 

Onun sözlərinə görə, Paşinyan öz qərarını bir gecədə dəyişib.

Lavrov qeyd edib ki, 2021-ci ilin payızında İrəvanda keçirilən görüş zamanı KTMT-nin Ermənistandakı missiyasının mandatı tam olaraq razılaşdırılıb: “Gecəyə qədər müzakirə etdik, hər şeyi təsdiq etdik, səhər prezidentlər və baş nazirlər görüşdükdə isə aydın oldu ki, qərarla bağlı razılıq yoxdur. Bir neçə gündən sonra isə Paşinyan Ermənistana Avropa İttifaqının müşahidə missiyasını çağırdı və Azərbaycana bunun yalnız 2 ay davam edəcəyini vəd etdi. Buna baxmayaraq, 2 aydan sonra Aİ bu missiyanı ikiqat artırdı. İndi oraya Kanada, Norveç və ABŞ-dən hərbçilər göndərilir və bu, Şimali Atlantika missiyasına çevrilir”.