Türkiyədə erməniəsilli jurnalist, “Agos” qəzetinin redaktoru Hrant Dinki qətlə yetirən Ogün Samast şərti azadlığa buraxılıb.

Bu barədə Türkiyə KİV məlumat yayıb.

Məhkəmə Samastın yaxşı davranış nümayiş etdirdiyini nəzərə alaraq onun vaxtından əvvəl azadlığa buraxılmasına qərar verib. 

Qeyd edək ki, Hrant Dink 2007-ci il yanvarın 19-u İstanbulda qəzetin redaksiyasının önündə öldürülüb. Ogün Samast jurnalisti qətlə yetirərkən 17 yaşı olub. O bu zaman 22 il 10 ay müddətinə azadlıqdan məhrum edilib. Samast ümumilikdə bu cəzanın 16 ilini həbsxanada keçirib.