İranın ali dini lideri Ayətullah Əli Xamenei müsəlman ölkələrini İsrailə neft və ərzaq tədarükünü dayandırmağa çağırıb. Onun sözlərini RİA Novosti sitat gətirir.

“Müsəlman ölkələrinin qeyd-şərtsiz və dərhal razılaşmalı olduğu məsələ İsrailin Fələstində törətdiyi cinayətlərə son qoymaqdır. Neft və ərzaq ixracı dayandırılmalıdır”, - deyə o bildirib.

Onun sözlərinə görə, müsəlman ölkələri İsraillə bütün növ ticarət-iqtisadi əməkdaşlığı dayandırmalıdır.

Bundan əvvəl İran prezidenti İbrahim Rəisi İsrailin qırmızı xətləri keçdiyini bildirib. Onun sözlərinə görə, İsrailin bu cür davranışı hər kəsi hərəkətə keçməyə məcbur edə biləcək vəziyyətə gətirib.