Gürcüstanın sabiq prezidenti Mixail Saakaşvili məhkəmədə Rusiyadan təxribat qrupunun ölkəyə daxil olduğunu bəyan edib. Onun sözlərini TASS sitat gətirir.

Saakaşvilinin fikrincə, bu təxribatçılar Gürcüstanda iğtişaşlar yolu ilə hakimiyyəti ələ keçirmək, sonra isə ölkədə sabitliyi pozmaq istəyirlər. Sabiq prezident əlavə edib ki, onlar silahlıdırlar.

Təhlükə ilə əlaqədar Saakaşvili təxribatçılarla mübarizə üçün mülki müdafiə qaynar xətti yaratmağa çağırıb.