Türkiyə prezidenti Rəcəb Tayyib Ərdoğan Nazirlər Kabinetinin iclasından sonra xalqa müraciətində bildirib ki, Türkiyə Ermənistandan ağıl və reallığa əsaslanan, sülh, təhlükəsizlik və rifaha yönəlmiş siyasət gözləyir.

O qeyd edib ki, Ermənistan Zəngəzur dəhlizinin açılması ilə bağlı verdiyi vədləri yerinə yetirərsə, Türkiyə əlaqələri addım-addım inkişaf etdirməyə hazırdır.

Ərdoğan həmçinin İranı “bölgədə sülh və sabitliyin bərqərar olması üçün siyasi və iqtisadi addımlara yol açacaq bu tarixi layihədə (Zəngəzur dəhlizinin açılması) iştirak etməyə” çağırıb.