Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaarın mandatı uzadılıb.

Bu barədə məlumat Avropa İttifaqı Şurasının saytında yerləşdirilib.

Məlumatda qeyd olunur ki, estoniyalı diplomatın mandatı daha bir il -  2024-cü il avqustun 31-nə qədər uzadılıb.

Qeyd edək ki, Toivo Klaar 2017-ci il noyabrın 13-də Cənubi Qafqaz və Gürcüstandakı böhran üzrə Aİ-nin xüsusi nümayəndəsi təyin edilib. Onun vəzifəsi regiondakı problemlərin sülh yolu ilə həllinə töhfə vermək, həmçinin Ermənistan, Azərbaycan və Gürcüstan arasında regional əməkdaşlığı təşviq etməkdir.