Qara dəniz sazişləri bu gün faktiki olaraq qüvvəsini itirib. Taxıl sazişinin  Rusiyaya dair hissəsi yerinə yetirilməyib. Bu barədə bazar ertəsi jurnalistlərə açıqlamasında Rusiya Federasiyası Prezidentinin mətbuat katibi Dmitri Peskov deyib.

“Əslində bu gün Qara dəniz sazişləri öz qüvvəsini itirdi. Rusiya Federasiyası Prezidentinin daha əvvəl dediyi kimi, son tarix iyulun 17-dir. Təəssüf ki, bu sazişin Rusiyaya aid hissəsi hələ də həyata keçirilməyib. Ona görə də onun fəaliyyətinə xitam verilir”, - Peskov bildirib.