İstanbulun Taksim şəhərində rusiyalı turist dava zamanı həlak olub. Hüquq-mühafizə orqanlarının əməkdaşları araşdırma aparır. Bu barədə “Habertürk” məlumat yayıb.

Nəşrin məlumatına görə, rusiyalı Vyaçeslav Neçiporçuk ilə dörd naməlum şəxs arasında davaya çevrilən münaqişə baş verib. Hücum edənlərdən biri turistin ürəyinə bıçaq zərbəsi endirib, bundan sonra hücum edənlər hadisə yerindən qaçıblar. Şahidlər təcili yardım və polis çağırıblar.

Rus xəstəxanaya yerləşdirilib. Həkimlərin köməyinə baxmayaraq, kişi xəstəxanada dünyasını dəyişib.

Hüquq-mühafizə orqanları hücum edən iki şəxsin şəxsiyyətini müəyyən edib, onlar saxlanılıb. Həmin şəxslər barəsində cinayət işi başlanıb. Polis hücum edənlərin qalan hissəsini axtarır.