Ermənistan polisi Qafanda saxlanılan azərbaycanlı hərbçini Ermənistan Milli Təhlükəsizlik Xidmətinə təhvil verib.

Bu barədə Ermənistan polisinin mətbuat xidməti məlumat yayıb.

Hüquq-mühafizə strukturunda digər təfərrüat barədə məlumat verilməyib.

Bundan əvvəl, aprelin 13-də Ermənistan Müdafiə Nazirliyi ölkə ərazisinə daxil olan ikinci azərbaycanlı hərbçinin saxlanıldığını açıqlayıb.
Qeyd edək ki, Azərbaycan Ordusunun əsgərləri - 2004-cü il təvəllüdlü Aqşin Qabil oğlu Bəbirov və 2003-cü il təvəllüdlü Hüseyn Əhliman oğlu Axundov bir neçə gün öncə Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən itkin düşüblər.

Ermənistan tərəfi əsgərlərdən birinin aprelin 11-də, digərinin 13-də saxlanıldığını etiraf edib.