ABŞ hesab edir ki, Rusiya qoşunları yaxın gələcəkdə Ukraynaya qarşı yeni hücuma cəhd edə bilər və belə hücumlar bir neçə cəbhədə həyata keçirilə bilər.

Bunu Ağ Evdə ABŞ Milli Təhlükəsizlik Şurasının strateji kommunikasiyalar üzrə koordinatoru Con Kirbi deyib.

Onun sözlərinə görə, qarşıdakı həftələr Rusiyanın Ukraynaya qarşı müharibəsində “kritik” olacaq: “Biz əmin olmalıyıq ki, Ukraynanı buna hazır vəziyyətə gətirmək üçün əlimizdən gələni edirik”.

ABŞ rəsmisi həmçinin bildirib ki, Birləşmiş Ştatlar ukraynalıların “Rusiyanın istənilən hücumundan” özlərini qoruya bilməsini istəyir.

Ağ Evin sözçüsü qeyd edib ki, Birləşmiş Ştatlar Baxmutun müdafiəsini prioritetləşdirmək üçün Ukrayna rəhbərliyinə arxalanır.