Ukrayna prezidenti Volodimir Zelenski ənənəvi axşam videomüraciətində Ukraynanın Rusiya ordusuna qarşı aktiv əməliyyatlar hazırladığını bildirib.

Zelenski həmçinin Ukraynanın cənubundakı RF qoşunlarının anbarlarını, maddi-texniki təchizatını və yerləşdiyi yerləri məhv edən döyüşçülərə təşəkkür edərək Rusiyanın hər partladılmış mövqeyinin ukraynalıların həyatını xilas etdiyini qeyd edib.

Bundan əlavə, o, Donbassda fəaliyyət göstərən getman Mazepa adına 54-cü əlahiddə mexanikləşdirilmiş briqada və 81-ci əlahiddə aeromobil briqadasının əsgərlərinin uğurlarını qeyd edib.

Zelenski bildirib ki, Rusiya terrorla sinonimləşib və məğlubiyyət və ədalətli cəza nümunəsi olacaq.

O vurğulayıb ki, Rusiya ordusu hücumları üçün müxtəlif silahlardan istifadə edir: raket və artilleriya, pilotsuz təyyarələr və minaatanlar.

“Ancaq bir məqsəd üçün. Həyatı məhv etmək və insana heç nə buraxmamaq üçün. Yerdəki xarabalıqlar, dağıntılar - bu, Rusiyanın avtoportretidir. Rusiya terrorun sinoniminə çevrilib və bu terrora görə məğlubiyyət və ədalətli cəza nümunəsi olacaq. Kremlin dayandıra bilməyəcəyi bir cəza”, - deyə Zelenski vurğulayıb.