Birləşmiş Ştatlar Ukraynaya 150 km mənzilli “Ground Launched Small Diameter Bomb” (GLSDB) dəqiq idarə olunan raketlər verəcək. Bu barədə Reuters yazır.
Sursat 2,2 milyard dollarlıq yeni yardım paketinin bir hissəsi olacaq.
Bu təyinatlı raketləri Amerikanın “Boeing” korporasiyası İsveçin SAAB qrupu ilə birlikdə hazırlayır. Onlar HIMARS raket sistemlərindən də istifadə oluna bilər. GLSDB inertial sistem və GPS ilə idarə olunur, elektron müdaxiləni aradan qaldıra bilir, zirehli maşınlara qarşı istifadə edilə bilər. Bəzi məlumatlara görə, “Boeing” noyabrın sonunda Pentaqona bu sursatları Kiyevə təhvil verməyi təklif edib.
Əvvəllər Ukraynaya verilən raketlərin maksimal məsafəsi 80 km-dən çox deyildi. GLSDB Ukrayna Silahlı Qüvvələrinin Krıma - Dnepr sahillərindəki cəbhə xəttindən zərbə endirməsinə imkan verəcək. Məsələn, Xersondan Yevpatoriyaya qədər olan məsafə 170 km, Novaya Kaxovkadan mühüm dəmir yolu qovşağı olan Djankoydan isə 150 km-dir.
Agentliyin məlumatına görə, yeni hərbi yardım paketi bu həftə elan ediləcək. GLSDB ilə yanaşı, paketə “Patriot” hava hücumundan müdafiə sistemləri üçün avadanlıqlar, dəqiq idarə olunan döyüş sursatları və əlavə “Javelin”lər də daxil olacaq.
