Ukrayna və onun ən böyük Qərb dəstəkçiləri ümid edirlər ki, ABŞ istehsalı olan yüksək texnologiyalı “M1 Abrams” döyüş tankları və Kiyevə göndərilən Almaniyanın “Leopard 2 A6”ları ölkənin Rusiya işğalçılarına qarşı mübarizəsinə böyük təkan verəcək.

ABŞ və Almaniya həftələrlə davam edən və diplomatik dalana dirənən müzakirələrdən sonra çərşənbə günü Ukraynaya onlarla tank göndərəcəklərini açıqladılar.

Ekspertlər hesab edirlər ki, tanklar müharibənin gedişatını dəyişə bilər, lakin bunu hiss etmək üçün aylar lazım olacaq. Ukrayna qüvvələri ağır silahların strateji və taktiki aspektlərini mənimsəmək üçün təlimlərə ehtiyacı olacaq.

Qərb rəsmiləri Rusiyanın Ukraynadakı müharibəsinin uzun müddət davam edəcəyi fikri ilə getdikcə daha çox razılaşırlar. İndi onlar diqqəti Ukraynanın ABŞ və Almaniya tankları ilə təchizatına yönəldiblər.

Alman istehsalçısı Krauss-Maffei Veqmann “Leopard 2”ni “dünyanın aparıcı döyüş tankı” kimi təqdim edir. Yarım əsrə yaxındır ki, o, bir çox döyüş vəziyyətinə uyğunlaşmaq üçün atəş gücü, müdafiə, sürət və manevr aspektlərini birləşdirib.

Tanklar yol çevikliyi ilə məşhurdur və asanlıqla saatda 64+ km sürətlə hərəkət edə bilir. “Leopard 2”nin əsas silahı təxminən 5 km məsafədə olan və tam rəqəmsal atəşə nəzarət sistemi ilə təchiz edilmiş 120 mm-lik hamar lüləli silahdır.

Ekspertlər deyirlər ki, alman tankları Ukraynada döyüşlərə cəlb edilən istənilən Rusiya tankı ilə asanlıqla uyğunlaşacaq və Sovet dövründən qalma xeyli köhnə tanklara arxalanan Ukrayna qüvvələrinin döyüş qabiliyyətini kəskin şəkildə artıracaq.

Ukraynanın şimal-şərqdə və cənubda iki əks-hücum əməliyyatı nəticəsində Rusiya qüvvələrinin işğal etdiyi əraziləri geri almasından sonra aylardır dalana dirənmiş müharibədə Kiyevə yeni hücumda yalnız “Leopard 2” tankları kömək edə bilər. bilər.

“Bu cür münaqişələrdə hər cür zirehli döyüş maşınları və zirehli texnikalar olmadan genişmiqyaslı hücumlar həyata keçirmək qeyri-mümkündür və tanklar bunun bir hissəsidir”, - Beynəlxalq Strateji Araşdırmalar İnstitutunun müdafiə və hərbi məsələlər üzrə tədqiqat analitiki  İohann Mişel bu yaxınlarda “Associated Press”ə bildirib.

Tanklar Ukraynanın Donbasındakı Rusiya qüvvələrinə qarşı mübarizədə həlledici rol oynaya bilər.