Çeçenistan rəhbəri Ramzan Kadırov Dövlət Dumasının Müdafiə Komitəsinin üzvü, general Viktor Sobolevi Ukraynada hərbi əməliyyatlarda iştirak edən rusiyalı hərbçilərə saqqal saxlamağı qadağan edilməsi ilə bağlı dediklərinə görə tənqid edib.

Kadırov bildirib ki, Sobolevin “çox boş vaxtı var”, çünki onun “işi yoxdur, nizamnaməni yenidən oxuyur”.

“Vətəni neonasistlərdən müdafiə edən döyüşçülərimizin sıralarında heç bir problem yox idi və bam! Yarandı! Saqqal. Təsəvvür edə bilirəm ki, bizim cəbhə xəttindən döyüşənlər, səfərbər olanlar, könüllülər - həm saqqallı, həm də saqqalı qırxılmış döyüşçülərimiz necə təəccübləndilər. Onların sıralarında təhlükəli bir düşmənin gizləndiyindən belə şübhələnmədilər - üz tükləri!”, - Kadırov qəzəblənib.

O, istehza ilə qeyd edib ki, hər səngərdə isti su, ülgüc və köpük olan kran var və əsgərlər pulemyotlarını qoyub təraş etməyə qaçarkən “faşistlər bir kənarda gözləyəcəklər”.

Kadırov həmçinin bildirib ki, generallar “uğurlu və həyata keçirilə bilən ideyalar yaratmalıdırlar”. Onun fikrincə, Sobolevin bu sözləri “açıq-aşkar təxribatdır” ki, “Allah-Taala uğrunda müqəddəs müharibədə olan və bizim kimi yalnız Uca Allah naminə saqqal saxlayan əsgərlərin döyüş ruhunu məhv etməkdir”.

“Və hər hansı bir səbəbdən döyüşçüləri tənqid etməyi dayandırın. Əsasnaməyə uyğunluğu yoxlamaq istəyirsiniz? Zəhmət olmasa! İrəli cəbhəyə! Necə ki, bunu artıq döyüş əməliyyatlarında fəal iştirak edən və Qəhrəman ulduzları alan onlarla Dövlət Dumasının deputatı edir”, - Kadırov yazıb.