Dekabrın əvvəlindən Çində 250 milyon insan koronavirusa yoluxub ki, bu da ölkə əhalisinin 18%-ni təşkil edir. Bloomberg yazır ki, belə hesablamalar Milli Səhiyyə Komissiyasının qapalı iclasında təqdim edilib.

Bu hesablamalara görə, dekabrın 20-də cəmi bir gündə 37 milyon insan COVİD-19-a yoluxub.

Eyni zamanda, müstəqil analitiklərin hesablamalarına görə, Çində gündəlik orta hesabla bir milyon insan xəstələnir. Gündəlik ölüm nisbəti, onların fikrincə, beş min nəfər səviyyəsindədir.

Rəsmi olaraq, Çin səlahiyyətliləri dekabrın əvvəlindən bəri yalnız üç min hadisəni təsdiqlyib.

Üç il ərzində koronavirusa qarşı sərt mübarizə aparan Çin hakimiyyəti 2022-ci ilin sonunda məhdudiyyətləri kəskin şəkildə yumşaltmağa başlayıb. Buna səbəb sakinlərin daimi karantin rejimindən yorulması nəticəsində ölkədə son onilliklərdə baş verən ən böyük etiraz aksiyaları olub: aksiya iştirakçıları əvvəlcə anti-COVID məhdudiyyətlərinə son qoyulmasını istəyiblər, lakin sonradan siyasi tələblər irəli sürməyə başlayıblar.

Səlahiyyətlilərə görə, Çində əhalinin 90% -dən çoxu tam peyvənd olunub, lakin əsas risk qrupu olan yaşlıların yalnız yarısıi peyvənd edilib. Eyni zamanda, müstəqil ekspertlər Çində istifadə olunan vaksinlərin effektivliyinə şübhə ilə yanaşırlar.