Böyük Britaniyanın keçmiş baş naziri Boris Conson “CNN Portuqaliya” telekanalına müsahibəsində bildirib ki, Ukraynanın tərəfdaşları Rusiyanın müharibəyə başlamasına fərqli reaksiya veriblər. O qeyd edib ki, hələ hərbi əməliyyatlar başlamazdan əvvəl Almaniya hakimiyyəti Kiyevə təslim olmağı və münaqişəni davam etdirməməyi təklif edib.

“Almaniya nə vaxtsa inanırdı ki, bu baş verərsə, fəlakət olacaq, ona görə də hər şeyi tez bitirib Ukraynaya təslim olmağı təklif etmişdi”, - deyə Conson deyib.

O əlavə edib ki, Fransa da, öz növbəsində, hərbi əməliyyatlar başlamazdan əvvəl münaqişənin açıq hərbi qarşıdurmaya çevrilməyəcəyinə inanırdı. 

Conson o vaxt Mario Draqinin rəhbərlik etdiyi İtaliya hökumətini də tənqid edib, çünki o, Rusiya karbohidrogenlərindən asılılıqla bağlı digər dövlətlərin mövqeyini dəstəkləməkdən imtina edib.