Rusiyanın taxıl sazişində iştirakını dayandırdığını elan etməsinə baxmayaraq, Türkiyə blokadalı limanlardan taxıl ixracında Ukraynaya dəstəyini davam etdirəcək. 

CNN Türk xəbər verir ki, bunu Türkiyə prezidenti Rəcəb Tayyib Ərdoğan deyib.

“Rusiya taxıl müqaviləsi ilə bağlı tərəddüd etsə də, Türkiyə bəşəriyyətə xidmət etmək üçün səylərini davam etdirəcək”, - deyə o, Dünya Türk Tibb Konqresində çıxışı zamanı deyib.

Bəyanatı təsdiqləyən Ukrayna, Türkiyə və BMT “Qara Dəniz Taxıl Təşəbbüsü” çərçivəsində oktyabrın 31-də Qara dənizdə 14 gəminin hərəkəti planına dair razılaşma barədə Rusiyanı xəbərdar edib. Bu barədə Birgə Koordinasiya Mərkəzinin məlumatında deyilir.

“Ukrayna, Türkiyə və BMT nümayəndə heyətləri sabah üçün hərəkət planı ilə bağlı razılığa gəliblər. Oktyabrın 31-də dəniz humanitar dəhlizi boyunca 14 gəmi var - 12-si Ukraynadan gedir, ikisi isə Ukraynaya gəlir”, - məlumatda deyilir.

BBC yazır ki, taxıl və digər kənd təsərrüfatı məhsulları daşıyan ən azı iki yük gəmisi bazar ertəsi səhər saatlarında Ukraynanın Novye Belyar limanını tərk edib.