Onlar ehtimalda ictimai qınağın təsirindən və təhlükələrdən uzaqlaşmaq üçün ölkədən gedə bilərlər.

Bunu Buta.media-ya "Təmiz Dünya" İctimai Birliyinin sədri Mehriban Zeynalova Bakıda üç qızın içki içib çılpaq mahnı oxuyub video çəkdirən qızlarla bağlı rəyini deyərkən bildirib.

Onun sözlərinə görə, görünür kifayət qədər ya ailədə ya nəzarət mexanizmi olduqca zəif olub, yaxud hədsiz avtoritar münasibət olub.

"Bəzən qızlar belə avtoritar mühitdən azad olmağı belə görür. Bütün məsuliyyət hissini unudur, öhdəliklər yaddan çıxır və ya azadlığı bu formada görür.. Bəzən ailədə kifayət qədər  dinləmək, müzakirə etmək, hadisələrdən vaxtında xəbərdar olmaq kimi boşluqlar olur". 

Mehriban Zeynalova bildirib ki, onlar ehtimalda ictimai qınağın təsirindən və təhlükələrdən uzaqlaşmaq üçün ölkədən gedə bilərlər:

"Nəticə əslində göz qabağındadır. Lakin bu nəticəni dəyişmək imkanı var. Nəticə bir neçə cür ola bilər. Ya bu qızlar hər hansı formada təhlükə altında yaşamalı olduğu üçün, daimi gizlənə bilər. Bu isə özünə uyğun problemlər yarada bilər. Ya bu qızlar  sərbəst həyat tərzini seçib,  videoda göründüyü kimi  peşə olaraq bunu seçə bilərlər. Yaxud, ictimai qınaq onları sarsıda və onlar öz həyatlarını kökündən dəyişə bilər. Bir ehtimalda ictimai qınağın təsirindən  və təhlükələrdən uzaqlaşmaq üçün ölkədən gedə bilərlər. Baxır hansı mühitə kimlərin çevrəsinə düşəcəklər..."

Zeynalova qeyd edib ki, istənilən hadisədə səbəb var:

"Həmin qızlarla valideynlərlə, qohum qonşularla danışmadan real səbəbi öyrənə bilməyəcik. Məncə istintaq zamanı bu məsəlləri araşdırmaq mümkün olub. Yaxud mütəxəssis işləsəydi o ailə ilə real vəziyyəti daha yaxşı görə bilərdilər. Təəssüf ki, bu imkan olmadıqda   mütəxəssislər  ümumi cəmiyyətdən fərqli olaraq emosiyalarsız məsləyə baxmaq üçün faktlara söykənir".