“Biz səmaya baxanda səni xatırlayacağıq”.

Təhsil TV xəbər verir ki, bunu AZAL-ın Aktau yaxınlığında qəzaya uğrayan sərnişin təyyarəsinin pilotlarından biri Aleksandr Kalyaninov haqqında onun müəllimləri deyib.

“11 il mən ona dərs demişəm. İndi bizə Saşa haqqında keçmiş zamanda danışmaq çox ağırdır. Xatirəmizdə çox gözəl, ağıllı, tərbiyəli şagird, intellektual uşaq kimi qalıb”, - deyə pilotun müəllimi Tahirə Şıxlinskaya bildirib.

Qeyd edək ki, Aleksandr Kalyaninov Bakı Avropa Liseyinin məzunu olub.