"Azərbaycan demokratik ölkədir və burada hər kəs qanunlar çərçivəsində istədiyi fəaliyyətlə məşğul ola bilər. O cümlədən də keçmiş səhiyyə nazir Əli İnsanov”.
Buta.media-nın məluçatına görə, bu sözləri Bakupost.az açıqlamasında hakim Yeni Azərbaycan Partiyasının mətbuat xidmətinin rəhbəri Hüseyn Paşayev deyib.
O, keçmiş səhiyyə naziri Əli İnsanovun dünən mətbuata verdiyi açıqlamaları şərh edib.
Bildirib ki, Ə.İnsanov istədiyi fəaliyyətlə məşğul olmaqda sərbəstdir: "Azərbaycan demokratiya ilə idarə olunan dövlətdir. Bu baxımdan, Əli İnsanov da hər kəs kimi istədiyi işlə məşğul ola bilər. İstəyər, həkimliyə davam edər, istəyər siyasətlə məşğul olar”.
YAP rəsmisi bildirib ki, əgər Ə.İnsanov siyasətlə məşğul olmağa qərar versə, hakim partiya daxilində onun siyasi xəttinin ardınca gedəcək heç kim yoxdur: "Mən inanmıram ki, uzun illər həbsdə qalmış və cənab prezidentin əfv sərəncamlı ilə azadlığa çıxmış birinin fikirlərinin ardınca kimsə getsin. Yeni Azərbaycan Partiyasında isə belə adamlar ümumiyyətlə yoxdur. Partiyamızın 700 mindən çox üzvü var və burada hər kəs partiyamızın sədri cənab İlham Əliyevin ətrafında sıx birləşib, onu dəstəkləyir”.
