Bu gün səhər saatlarından etibarən Xətai rayonu 8 Noyabr prospektində yenidən güclü tıxac müşahidə edilir.

“Qafqazinfo” xəbər verir ki, ötən gün tıxac səhər saat 9-dan etibarən yaransa da, bu gün artıq 8-dən yol tam dayanıb.

Mərkəz istiqamətində hərəkət edən yüzlərlə avtomobil və avtobus alternativ yollar olmadığından gözləmək məcburiyyətində qalıb. Bəzi sürücülər isə tıxacı görərək geri dönməyə çalışır, bu da prospektdə acınacaqlı vəziyyəti daha da artırıb. Avtobuslarda olan sərnişinlər isə düşərək piyada mərkəzə doğru addımlamağa başlayıb.