Göygöl rayonunun Toğanalı kəndinin meşə zolağında sevgilisi ilə meyiti tapılan 1996-cı il təvəllüdlü Yasin İbrahimov özünə qəsd etməmişdən əvvəl məktub yazıb.

Bu barədə onun atası “Səni Axtarıram” verilişində bildirib.

“Ata, məni bağışla! Bir səhv idi, oldu. Özünə korluq vermə” cümləsi yazılmışdı. Məktubu da mənə oğlumun şəxsiyyət vəsiqəsi ilə birlikdə prokurorluq orqanlarında verdilər”, deyə ata bildirib.

Mərhumun atasının həmçinin bildirib ki, oğlu intihar etməzdən öncə onlara bu barədə məlumat verib:

“Sonuncu dəfə qardaşım oğluna zəng edib. Deyib ki, məni bağışlayın, özümü öldürəcəyəm. Birlikdə intihar etdiyi qızla münasibəti barədə bilirdik”.

Qeyd edək ki, Y.İbrahimov sevgilisi, Xocalı rayon sakini, 1985-ci il təvəllüdlü Esmira Əhliman qızı Mamedova ilə birgə Göygöl rayonunun Toğanalı kəndinin meşə zolağında özlərini asaraq canlarına qəsd ediblər. Göygöl Rayon Polis İdarəsinin əməkdaşları onların meyitlərinin qalıqlarını aşkarlayıblar.