Lənkəran şəhərində bazarda yanğın olub. Bu barədə Fövqəladə Hallar Nazirliyinin məlumatında deyilir.
Bildirilir ki, ümumi sahəsi 250 kvadratmetr olan bir mərtəbəli mağazanın dam örtüyünün yanar konstruksiyaları 200 kvadratmetr sahədə və içərisində qismən ərzaq malları yanıb.
Yanğın mərkəzi bazarın daxilində fəaliyyət göstərən marketlərdən birində başlayıb.
Hadisə yerinə Fövqəladə Hallar Nazirliyinin yanğınsöndürmə briqadaları cəlb edilib.
Yanğının qarşısı alınıb.
