Naxçıvan Beynəlxalq Hava Limanının direktoru Mənşur Gülməmmədli vəzifəsindən azad edilib.

Bu barədə TNS saytı məlumat yayıb.

Bildirilib ki, 2010-cu ildən bu vəzifədə çalışan Mənşur Gülməmmədlinin işdən azad olunmasının səbəbi yol verdiyi ciddi nöqsanlardır.

Qeyd edək ki, bir müddət əvvəl Naxçıvan Beynəlxalq Hava Limanı AZAL-ın tabeliyinə verilib.

Hazırda hava limanının direktorunun səlahiyyətlərini Hikmət Əhmədov icra edir. H. Əhmədov əvvəllər hava limanı direktorunun müavini vəzifəsində çalışıb. Bu təyinatadək isə “Naxçıvan Muxtar Respublikası Radio - Televiziya Ötürücü Mərkəzi” publik hüquqi şəxsin direktoru vəzifəsində işləyib.