Naxçıvanın Şahbuz rayonunda qadın körpüdən çaya düşərək ölüb. Bu barədə APA məlumat yayıb.
Hadisə rayonun Külüs kəndində qeydə alınıb.
Məlumata görə, ötən gün axşam saatlarında kənd sakini 1960-cı il təvəllüdlü Bağırova Bulqeyis Bağır qızı kənddə olan körpüdən çaya düşüb. Kənd sakinləri onun meyitini dünən gecə saatlarında çaydan tapıblar.
Faktla bağlı araşdırma aparılır.
