Fövqəladə Hallar Nazirliyi Xəzər dənizində estakadalardan birində baş vermiş yanğınla bağlı məlumat yayıb.

Buta.media nazirliyin saytına istinadən xəbər verir ki, Bakı şəhərinin Səbail rayonunda Xəzər dənizində (sahilə yaxın ərazidə) “Xəzər-3” qurğusunda söküntü işləri aparılan zaman yanğın baş verib.

Yanğın nəticəsində 50 m² sahədə yağ və mazut qalıqları yanıb. Hadisə zamanı xəsarət alan olmayıb.

12:48

Bakının Qaradağ rayonu hissəsində estakalardan biri yanır.

Buta.media xəbər verir ki, hadisə şahidlərinin BAKU.WS-ə verdiyi məlumata görə, hazırda ərazidə qatı böyük duman kütləsi müşahidə edilir.

Əraziyə çoxlu sayda yanğınsöndürən maşın cəlb edilib.

Yanğının söndürülməsi istiqamətində tədbirlər görülür.