Tanınmış fitnes məşqçisi Kamil Zeynallı Rusiyada polis əməkdaşları tərəfindən saxlanılıb.

Bu barədə Zeynallı özü videomüraciət yayıb.

K. Zeynallının dediyinə görə, o, “Domodedovo” hava limanında saxlanılıb. Yerli polis bölməsi əməkdaşları onun Ermənistan tərəfindən beynəlxalq axtarışa verildiyini, bu səbəbdən saxlanıldığını deyiblər. O, Azərbaycanın dövlət qurumlarından kömək istəyib.

Fitnes məşqçisi Kamil Zeynallının Moskvada hava limanında saxlanılmasını əks etdirən görüntülər yayılıb.

Görüntülərdə Kamil Zeynallının hava limanında saxlanılan digər şəxslərlə birgə otağa salınması, onun şəxsi əşyalarının alınması əks olunub.