Dövlət Statistika Komitəsinin Sumqayıt şəhər şöbəsi 2022-ci ilin sonunda 426 min nəfər sakin qeydə alıb.

Bu göstəricilərə əsasən, Sumqayıt şəhərində 377 941 nəfər, Hacı Zeynalabdin qəsəbəsində 29 641 nəfər, Corat qəsəbəsində isə 18 418 nəfər əhali yaşayır.
 
Dövlət Statistika Komitəsi əhalinin sonuncu siyahıyaalınması (2019-cu il) zamanı Sumqayıtda yaşayan əhalinin milli (etnik) tərkibini də müəyyənləşdirib.

Məlum olub ki, Sumqayıtda say çoxluğuna görə azərbaycanlılardan sonra ləzgilər gəlirlər. Sonrakı yerlərdə ruslar və talışlar qərarlaşıblar.

Sonuncu siyahıyaalınma zamanı Sumqayıtda, hətta 4 nəfər erməninin yaşadığı da müəyyən olunub.