Hələ XIX əsrin ilk yarısında Çar Rusiyası tərəfindən aparılan əhalinin siyahıyaalınması nəticəsində məlum olmuşdu ki, Bakının 39 kəndi var.

Abşeron yarımadasında yerləşən yaşayış yerlərinin adları hər zaman tarixçilərin, xüsusən toponimika ilə məşğul olan və maraqlanan şəxslərin diqqət mərkəzində olub.

Mütəxəssislərin iddialarına əsasən, Bakı və onun kəndlərinin adları türk, ərəb, fars mənşəli etnonimlərlə bağlıdır.

Azərbaycan Milli Elmlər Akademiyasının (AMEA) Nizami Gəncəvi adına Ədəbiyyat İnstitutunun elmi işçisi, dissertant Orxan İsayev Bakı və Bakı kəndlərinin, həmçinin Abşeron yarımadasında yerləşən bəzi məşhur ərazi adlarının mənası haqqında məlumat verib.