İraq Kürdüstanının rəhbəri Neçirvan Bərzani iyulun 18-i Azərbaycana səfərə gələcək.

Bu barədə “Shafaq News” məlumat yayıb.

Səfər çərçivəsində ikitərəfli əlaqələr, eləcə də müxtəlif sektorlar üzrə qarşılıqlı faydalı əməkdaşlıq məsələləri müzakirə ediləcək.

Məlumatda qeyd edilib ki, Azərbaycan Prezidenti İlham Əliyev bu il fevralın 18-i Almaniyada keçirilən Münhen Təhlükəsizlik Konfransında baş tutan görüşdə Bərzanini Bakıya dəvət edib.