Sumqayıt Perinatal Mərkəzində 38 yaşlı qadın əməliyyat zamanı ölüb.

Bu barədə Baş Prokurorluğun Mətbuat Xidmətindən bildirilib.

Lent.az-ın yaydığı məlumata görə, G.Fəttayeva yaşadığı evdə dərmanla hamiləliyini pozmağa çalışıb və bu zaman qanaxma baş verib. Bundan sonra o, ağır vəziyyətdə Perinatal Mərkəzə aparılsa da, həyatını xilas etmək mümkün olmayıb.

Qeyd edilib ki, iyulun 4-də 1985-ci il təvəllüdlü Fəttayeva Günel Əhəd qızının Sumqayıt Perinatal Mərkəzində cərrahiyyə əməliyyatı zamanı ölməsi faktı üzrə Sumqayıt Şəhər Prokurorluğunda araşdırma aparılır.