Gəncədə 2 saylı “ASAN xidmət” mərkəzinin yaxınlığında yol-nəqliyyat hadisəsi baş verib.
Hərəkətdə olan “Mercedes-Benz Gelandewagen” markalı minik maşını VAZ-2106 markalı nəqliyyat vasitəsinə arxadan çırpılıb. Qəzadan sonra “Mercedes-Benz Gelandewagen” yoldan çıxaraq aşıb.
Qəza zamanı xəsarət alan olmasa da, hər iki avtomobil yararsız hala düşüb.
Hadisə yerinə polis əməkdaşları cəlb olunublar.
Faktla bağlı araşdırma aparılır.
