Bakıda ağır yol qəzası nəticəsində ölənlərin sayı 5 nəfərə çatıb. 

Bu barədə DİN-in Mətbuat Xidmətindən bildirilib. 

Məlumata görə, hadisə “Mercedes” markalı avtomobilin “Toyota”nın qarşısına çıxması nəticəsində baş verib. 

Qəza nəticəsində üç nəfər hadisə yerində, daha iki nəfər isə xəstəxanada vəfat edib - “Mercedes” markalı avtomobilin sürücüsü, 1997-ci il təvəllüdlü Vüqar Abdullayev, onun sərnişinləri - 1994-cü il təvvəllüdlü Aytəkin Allahyarova, 1997-ci il təvəllüdlü Jalə Aslanova və 2001-ci il təvəllüdlü Könül Namazova, həmçinin “Toyota” markalı avtomobilin sürücüsü, 1994-cü il təvəllüdlü Pərviz Əlizadə. 

Faktla bağlı cinayat işi başlanılıb, araşdırma aparılır. 

15:32

Bakıda ağır yol-nəqliyyat hadisəsi zamanı 4 nəfər ölüb, 1 nəfər yaralanıb.

Bu barədə TƏBİB-dən məlumat verilib. 

Bildirilib ki, yol-nəqliyyat hadisəsi ilə əlaqədar 2 nəfər Sabunçu Tibb Mərkəzinə təxliyə edilib:

“Onlardan 1-i həkimlərin səylərinə baxmayaraq, yolda dünyasını dəyişib. Hazırda tibb müəssisəsində 1-nin müalicəsinə davam edilir. Qeyd edək ki, hadisə nəticəsində həkimə qədər üç nəfər dünyasını dəyişib”.

13:33

Bakının Nizami rayonunda ağır yol-nəqliyyat hadisəsi baş verib.

Hadisə “Şəfa” stadionu yaxınlığında qeydə alınıb. Qəza zamanı “Toyota Prius” və “Mercedes C Class” avtomobilləri toqquşub. 

Yol-nəqliyyat hadisəsi nəticəsində üç nəfər ölüb. Həlak olanların şəxsiyyəti dəqiqləşdirilir.

Faktla bağlı araşdırma aparılır.