Bayden Zelenskidən danışdı: O, tarixdə iz qoydu və dünyaya sübut etdi ki, Ukrayna qalacaq

“Time” jurnalı Ukrayna prezidenti Vladimir Zelenskini 2022-ci ilin 100 ən nüfuzlu adamı siyahısına daxil edib. Bundan əvvəl o, jurnalın oxucuları arasında səsvermədə İlon Mask və Boris Consonu qabaqlayaraq lider olub. ABŞ prezidenti Co Bayden “Time” jurnalında Zelenski haqqında məqalə yazıb. Meduza onun tərcüməsini dərc edir.

Vladimir Putin Ukraynaya qarşı amansız müharibəyə başlayanda və ukraynalıların onların liderinə ehtiyacı olanda Vladimir Zelenskinin sözləri bütün dünyada əks-səda verdi: “Prezident buradadır”.

Zelenskidə Ukrayna xalqının cəsarətinə və dözümlülüyünə layiq bir lider var, çünki bütün ölkə vətəndaşları - mağaza sahibləri və əsgərlər, dərzilər və yük maşını sürücüləri - öz evləri və azadlıqları üçün mübarizə aparırlar. Hər dəfə danışanda mən prezident Zelenskinin səsindən xalq qarşısında borcuna dərindən inanan və bu qaranlıq və çətin zamanda xalqa rəhbərlik etmək üçün gündəlik məsuliyyət daşıyan bir insanın dönməz əzmini eşidirəm.

Prezident Zelenskinin nümunəsindən ruhlanan azad dünya xalqları son dövrlərdə həmişəkindən daha birləşmiş, daha qətiyyətli və məqsədyönlüdür. ABŞ və müttəfiqlərimizin və tərəfdaşlarımızın dəstəyi ilə o, tarixdə öz izini buraxdı və dünyaya sübut etdi ki, Ukrayna dözəcək və xalqı son nəticədə çoxdan arzuladığı demokratik gələcəyə nail olacaq.

BÖLMƏNİN DİGƏR XƏBƏRLƏRİ